Bangkok baby!

Jæja, nú erum við komin til Pattaya á ný. Tókum rútu hingað í gær og Binni sótti okkur. Það er frábært að fá að vera hjá honum og aðeins að slaka á inni á heimili, ekki á hóteli. Planið hjá okkur hér er að senda einn hlussu pakka til Íslands og svo bara njóta þess að fara í nudd og á ströndina. Förum svo 26.feb til Indlands, holy cow!
Við fíluðum Bangkok bara þrusuvel. Margir sem við höfum hitt á ferðalaginu töluðu um að hún hefði verið of mikið af því góða og ekki liðið vel þar. Við bjuggumst því við að fá mennigarsjokk og taka crying game í sturtunni, en þetta var bara svaka gaman. Rútu tímarnir hérna eru ekki alveg að passa við planið sem gefið er upp. Við áttum að koma inn í Bangkok um 5-6 leytið um morgun, sem okkur þótti fínn tími. Maður sparar gistingu og getur bara farið beint í aksjón. Um 3 leytið vorum við sem sagt komin og öllum hent út á einhverjum vegakanti...ekki á rútustöðinni eins planið var. Ekki mikið að gera við því og leigubílstjórar rifust um að keyra okkur og alla hina. Við höfðum nákvæmlega engin plön og ákváðum að taka bíl á hostel sem við vissum um. Það var nú full og við bara í ræsinu í Bangkok. Tókum þá aftur leigubíl á hótel sem við vissum um og það var líka fullt en bara til 8 um morgunin. Þá skelltum við okkur bara á net kaffi og hringdum nokkur símtöl. Ég settist svo aðeins útfyrir og var bara að njóta morgunsins þegar það kemur til mín maður og spyr mig hvort að ég geti nokkuð borið vaselín á bakið á honum. Hann var að fá sér risadreka tattú og verandi einn á ferðalagi átti hann bágt með þetta. Ég bara, ekki málið og svo sátum við og spjölluðum um ferðirnar okkar og hann sýndi mér myndir, stórskrítinn Hollendingur samt sem áður. Eins gott að Peter kom ekki út fyrr en vaselín atriðið var búið. Já, svo kíktum við á konungshollina, prufuðum allskonar mat, enda ekki þverfótað fyrir matarstöndum úti á götu. Maður verður nú að undirbúa sig fyrir Deli-belly :)
En nú er ég farin á ströndina. Gaman að heyra í ykkur öllum.
Lísa mín, ekki málið að flytja til Dubai. Vid Peter höfum meira að segja tékkað á skíakennarajobbi þarna! Svo er örugglega líka hægt að kafa þarna. Nefndu bara daginn og við komum.