Golfing with my work, a trip to the beach and lunch with Frikki and Arny 3 weeks ago

Helvíti...? Það er vægt til orða tekið!

Já, undanfarnar 2 vikur hafa verið hreint helvíti fyrir mig sökum ofnæmis og ekki lítur út fyrir að það lagist í bráð. Samkvæmt gröfum og tölum hér í DK má búast við frjókornum í loftinu fram í ágúst. Eins og flestir vita hef ég reynt allt varðandi þessi mál hjá mér í gegnum tíðina og ekkert virkar. Þetta er líka komið út í mjög slæmann asthma hjá mér og ég sef mjög lítið á nóttunni og er bara að gefast upp á þessu. Ég reyni samt að lifa eins og eðlilegu lífi og hægt er, en þetta gerir mann mjög lúinn og búin á því alltaf. Mamma og Palli eru mjög sæt og hafa boðist til að borga leigubíla fyrir mig þegar ég þarf á að halda. Hef notfært mér það tvisvar í vikunni og það er gott að hafa smá backup þegar maður er að kafna. Annars er allt á fullu hjá okkur alltaf.
Síðasta sunnudag eftir afmælið var örugglega 30 stiga hiti og sól. Við hjóluðum á Amager strand og vorum þar í nokkra tíma.
Á þriðjudaginn var Hópeflisdagur í vinnunni hjá mér. Við vorum keyrð með rútu til Smørum Golfcenter þar sem beið okkur frábær dagur. Það var byrjað á smá fyrirlestrum um stöðu okkur á markaði og fleira með morgunmat. Svo fórum við í golfkennslu, ég var ekki viss hvort að ég gæti spilað golf út af bumbunni en það var ekkert mál. Svo var ótrúlega flottur hádegismatur og opinn bar allann daginn. Það var búið að skipta okkur upp í fjögurramanna lið og svo var keppt á 9 holu velli. Ég var með Claus sem ég vinn mjög náið með og 2 stelpum úr örðum deildum. Þetta gekk mjög vel og var bara rosa gaman. Ég átti upphafshöggið og tók smá "Tiger" takta og allir misstu andlitið yfir golfhæfni minni með bumbuna, ég líka..hehe. En þetta var smá byrjenda heppni, en ég kláraði völlinn á 63 höggum held ég. Það keyrði golf bíll um svæðið með veitingar svo að það var bara þjónusta allann daginn, ekki slæmt. Við tók fínn dinner og verðlauna afhending fyrir frammistöður dagsins. Við lentum ekki í sæti, en hann Claus var besti kylfingurinn, fór á 40 höggum. Ég var nú ansi illa farin af ofnæmi eftir daginn og átti mjög erfiða nótt eftir þetta. Ég mætti samt í vinnuna því þar sem húsið er svona skot og sprengjuhlelt er það eini staðurinn í DK sem ég fæ smá fið fyrir ofnæminu. Það eru filterar sem sía loftið og eftir ca. 4 tíma í vinnunni get ég andað eðlilega. Sem er mjög mikill léttir. Ég er búin að spyrja hvort að það sé ekki svefnaðstaða í húsinu, því þá myndi ég notfæra mér hana nokkrum sinnum í viku. En því miður.
Vikan í vinnunni er búin að vera svakaleg og ég er bara að drukkna. Er búin að vinna lengur alla daga og kom ekki heim fyrr en 9 á fimmtudaginn. Í gær ætlaði ég líka að vinna lengur en við vorum boðin í mat hjá vini og bekkjarfélaga Peters. Hann er frá Nýja Sjálandi og kærastan hans er dönsk. Hún er líka ólétt. Þetta var mjög gott og skemmtilegt kvöld.
Í dag fattaði ég hvað ég er búin á því og er ég búin að sofa meira og minna allann daginn. Greinilega nauðsynlegt. Peter er líka orðinn mjög strangur við mig og bannar mér hitt og þetta, sem mér finnst mjög fyndið stundum. En hann er grafalvarlegur kallinn. Peter hefur það annars fínt, hann er að klára skólann á fimmtudaginn og er því aðeins að læra meira. Hann fór í stærðfræðipróf í síðustu viku og fékk 10 af 12. Það var 1 sem fékk 12 í bekknum. Þannig að það er glæsilegt. Svo er hann mjög upptekinn við að horfa á EM og að fara út að hlaupa. Jæja, best að fara að leggja sig eða eitthvað.

Afmælis myndir nr.2

Garðveislu Afmæli

Hann Peter minn á afmæli í dag og fögnuðum við með vinum og vandamönnum. Við buðum í hádegisgrillveisu sem endaði líka með kvöldgrillveislu. Þetta var rosalega vel heppnaður dagur, allt of mikil sól og hiti sem í smá tíma varð bara vesen!! Ekki hugsar maður út í það, en svo kom smá skugga horn til bjargar. Við vorum sem sagt 18 manns með börnum. Við grilluðum á nýja Weber gasgrillinu okkar, og þetta var bara frábær dagur í alla staði. Ef að veðrið verður svona á morgun þýðir ekkert annað en að fara á ströndina!

Eurovision partýs myndir ofl.

Það er ennþá rosalega gott veður, held að það hafi verið 30 stiga hiti á sunnudaginn og örugglega líka í gær. En í dag var bara 23 gráður og vindur.
Við höfum það fínt. Helgin var rosa þægileg og skemmtileg. Á laugardaginn fór Peter að hjóla eins og vanalega og ég fór í sund að synda. Svo voru Frikki vinnufélagi Peters frá Aðalvík og Árný í Köben og vorum við búin að mæla okkur mót í hádegismat. Við fórum á Nyhavn og fengum okkur gott að borða í steikjandi hita og sól og röltum um bæinn með þeim fram eftir degi. Mjög gaman að hitta þau og eiga góðann dag.
Við Peter hjóluðum svo heim í hverfið okkar, fórum þar út að borða og skelltum okkur á tónleika ofl. í tilefni að Frederiksberg var 150 ára. Sunnudeginum var eytt í að jafna sig á ofnæmi og þriggja tíma kósíheitum í Frederiksberg Have.
Ég skellti inn myndum frá rosa flottu eurovision-sushi partýi hjá Soffíu og Árna sem hélt síðan áfram hjá Hildi og Hjölla. Har det bra!

Myndir ofl.

Hej,
Ég byrjaði i meðgöngusundinu í dag og er mjög ánægð með það. Hlakka til að fara í næstu viku.
Það gengur rosalega vel í vinnunni, það er búið að bjóða mér að vera eins lengi og ég get og vil. Einnig er búið að spyrja mig hvort að ég komi ekki aftur eftir barneign og sleppi því bara að fara í nám og taki að mér stærri stöðu. Þannig að það er freistandi og gaman. Fyrsti og eini rigningardagurinn í 4-5 vikur var á mánudaginn og það var bara ausandi rigning allann daginn. Ég var rennandi í gegn og það tók mig um 40 min að hjóla heim. En núna er bara hiti og sól og spáin fyrir helgina er bara steik. Peter er að búa sig undir smá lokatörn í skólanum. Hann klárar þann 19.júní

Læt nokkrar myndir frá grillveislu Soffíu og Árna fyrir 3 vikum fylgja.

Daglegt líf

Hellú á laugardagsmorgni, mælirinn sýnir 17 gráður og sólin skín. Það eru líka komin frjókorn í loftið og ég því með mitt yndislega ofnæmi. Maður er farin að vakna lítandi út eins og Derrick gamli og þarf smá tíma tíma til að jafna sig í framan á morgnanna.

Annars er allt í blússandi fjöri hér á Borups Alle. Bumban vex hægt og rólega. Hingað til hef ég verið mjög ánægð með vökutíma barnsins, það sparkar villt og galið þegar ég er í vinnunni og svo líka aðeins á kvöldin, en sefur svo bara þegar ég sef. Vonandi verður þetta svona í framtíðinni. Ég fer til læknis eftir helgi í reglubundið tékk og svo er næsta mæðraskoðun í júní. Mér líður bara þrusuvel, hjóla um borg og bí og fer í ræktina 2-4 sinnum í viku. Öll svona bumbunámskeið hafa verið löngu uppseld hér í Köben og svo er ekkert í gangi yfir sumartímann og var ég svolítið leið yfir því að hafa ekki einu sinni tækifæri á að fara á svoleiðis. Maður hefði gott af því, verandi í nýju landi og ekki með alla vini og fjölskyldu í kringum sig. Eftir mikla þrautseigju eina föstudagsnóttina fann ég loksins laust pláss í meðgöngusundi í Hellerup og ég bókaði og borgaði med det samme. Það byrjar sem sagt á miðvikudaginn og er alltaf kl. 17. Sem þýðir að ég hætti þá að vinna kl. 16 og mun svo hjóla eins og ég eigi lífið að leysa til Hellerup. Við Peter fórum þessa leið í prufukeyrslu í gær og það tekur mig alveg 30 mín að hjóla þangað úr vinnunni, svo fer ég í sundið í 1 og hálfann tíma og svo tekur ca. 30 mín að hjóla heim. Þannig að það ætti að vera ágætis hreyfing fyrir daginn. Og ég hlakka til að byrja.

Ég er svaka ánægð í vinnunni og vinnufélagarnir allir orðir opnari og hressari. Fyrstu vikuna var ég bara: voða eru Danir eitthvað alvarlegir alltaf. En núna er maður farinn að rugla í þessu liði og það er bara stuð. Það var mikill föstudagur í fólki í gær og bar ægilega gaman. Það ráku allir upp stór augu þegar ég stóð upp einn morguninn og tikynnti hátt og snjallt að ég væri að fara út að reykja!! Það fannst mér svaka gaman að hrista aðeins upp í þessu liði, enda núna bara allir í stuði. Ég er með fullt af verkefnum og er orðin rosa flínk á tölvukerfin og hef fengið hrós fyrir að koma mér fljótt inn í hlutina. Það skiptir mann miklu máli.

Við kíktum á undnakeppnina í Eurovision hjá Hildi og Hjölla og vorum ánægð með að íSLand komst áfram. Við erum svo að fara í Sushi Eurovision partý í kvöld. Það er svona stundum að manni að langi að hafa bíl hér, sérstaklega þegar maður er búin að hjóla í og úr vinnu, vinna allann daginn og fara í ræktina. Svo ætlar maður í bíó eða skreppa í heimsókn og hjólar það allt líka. En svo þegar maður er komin af stað er það hressandi. Þannig að maður er alltaf í einhverjum nætur hjólatúrum um helgar.

Jæja, Peter er farinn að hjóla í nokkra tíma og ég ætla að fara í ræktina..ef ég nenni. Gleðilega Eurovision.

Fleiri myndir og svona...

Veðrið þessa vikuna hefur verið aðeins verra en sl. 3 vikur sem voru bara sól og steik. Það er búið að vera um 15 stiga hiti og sól en með skýjum inn á milli. Ótrúlegt hvað maður er fljótur að venjast góðu veðri og er bara hvumsa þegar maður þarf kannski að vera í jakka á leiðinni í vinnunna á morgnanna. En það er nú líka hressandi að hafa ekki alltaf gott veður, þá nennir maður kannski að skúra heima hjá sér og svona.
Það er mjög fyndið að vera i svona hjóla traffík hérna. Maður er svo vanur bílnum að heiman, en núna höfum við ekki keyrt bíl í að vera 4 mánuði! Á hverjum morgni og eftirmiðdegi er maður í hópi svona 20 - 40 manns á leið í vinnuna á hjóli. Nú er maður farinn að sjá sama fólkið á hverjum degi og stundum sama fólkið á morgnanna og seinnipartinn. Svo eru blaðagaurar á nokkrum hornum og rétta manni fríblöðin sem að maður grípur á ferð og skellir í körfuna. Heima væri maður alltaf í einhverri múnderingu til þess að hjóla í vinnuna en hér er fólk bara allaveganna. Um daginn var ég við hliðina á gellu á svona eldgömlu racer hjóli með hrútastýri. Hún var í 10cm tiger munstruðum háum hælum, niðurmjóum galla buxum og rauðum mittisleður jakka.
Einnig er fólk að hjóla og ferðast með allann fjandann, Það er með risastórar mottur undir annarri hendinni, hækjur, blóm, sumir eru með 2 börn á hjólinu hjá sér, fólk er að reykja, tala í símann og ég veit ekki hvað. Það reykja reyndar mjög margir hér í DK og það reykja allir bara allstaðar. Ótrúlegt.
Peter hljóp ekki í maraþoninu sem var í dag. Hann er alltaf að glíma við álgasmeiðsli og er 3svar búinn að fá flensu síðan að við fluttum þannig að æfingaplanið fór í klessu. Hann hefði samt massað þetta hlaup ef að ég þekki hann rétt, en ég er fegin að hann fór ekki því það er ekki þess virði að taka áhættu og jafnvel skemma á sér löppina. Hann situr nú samt ekki auðum höndum kallinn. Það var frekar róleg vika hjá honum í skólanum og hann æfði einungis í 19 klukkutíma!! Hann hjólaði 3svar til Helsingör og til baka (ca. 80 - 90 km báðar leiðir), hlóp eins og skepna og var bara óður úti í góða veðrinu. Hann er líka massa brúnn orðinn. Ég hjólaði á móti honum síðustu helgi til Klampenborg og við fórum þar á ströndina í örugglega 30 stiga hita. Yndislegt. Einnig var stemmning í Frb. Have eins og sést á myndunum og svo var ég mjög þreytt eitt kvöldið eftir vinnu og var bara ein hrúga í sófanum. Svona er þetta.

Stutt og laggott

Það er eitthvða svo mikið að gera hjá okkur núna að maður hefur engann tíma í blogg og svoleiðis. Helgin var ÆÐI, bíó, hjólatúrar, mikið sólbað í görðum og á ströndum, frábært grillveisla og bara tær snilld allt saman.
Það er bara crazy að gera hjá mér í vinnunni og er ég farin að vinna alltaf aðeins lengur..en verð að fara að hætta því, er alveg komin með nóg í bakinu óg rófubeiniu eftir daginn og svo hjólar maður alltaf fram og til baka líka, fer í ræktina fyrir vinnu og er oftast vöknuð um 4 - 5 leytið!! Þess vegna er gott að fara snemma að sofa svona 1 sinni í viku til að eiga inni fyrir þessu öllu. Nú er ég farin í bólið. Verið þið sæl.

Bumbumynd og nokkrar aðrar