Vor í lofti

Hæ hó,

Langt síðan að maður hefur látið í sér heyra.
Dvölin í Gautaborg var ok á köflum, annars var frekar leiðó að vera ein á flugvallarhóteli og borða kvöldmat á bensínstöð í 8 daga. En svo komu góðir daga inn á milli og í vinnunni leiddist manni nú ekki. Ég fékk á endanum hrikalega magakveisu og var meira og minna vakandi í 2 næstur og druslaðist svo heim til Köben náhvít og ómöguleg. Peter þurfti að taka strætó á móti mér því ég meikaði ekki að halda á ferðatöskunni minni. Aumingja Hlynur brósi og Pétur Steinn litli voru í heimsókn og ég fór bara að sofa og svaf allann daginn. En svo varð ég hressari á fjórða degi.

Peter gengur vel í skólanum og er mjög áhugasamur um þetta allt saman. Það er svaka partý í skólanum hans á föstudaginn svo að það verður eitthvað skrallast þar fram eftir.
Ég er í vinnutörn og flýg 5 eða 6 daga í röð til Rómaborgar. Er ekki alveg í stuði fyrir það. Var að koma heim úr vinnunni og það var bara ekkert súrefni í vélinni fannst mér. Svo er líka gott veður í Köben og rosa heitt og gott í Róm, þannig að ekki var hægt að fá gamla góða íslenska keflavíkur fílinginn þegar maður opnaði hurðina á vélinni og beið eftir að draga inn andann. Ekkert rok og gaddur sem tók á móti manni, því miður.

Við reynum að vera dugleg í sportinu eins og ávallt. Ég fer í ræktina, tekur mig 3 mín að hjóla sem er bara frábært og Peter er að æfa fyrir Köben maraþonið. Svo tökum við hjólatúra saman og skoðum hverfin og borgina hérna. Fór inn um götuna við hliðina um daginn og komst að því að íslenski Sendiherra bústaðurinn er bara handan við hornið. Sá meira að segja Svavar Gests bregða fyrir í dyragættinni.
Gott að búa í góðu hverfi.
Jæja, Peter búinn að gera kvöldmatinn sem er vatnsmelónu og lime shake..rosa gott.
Hilsen.
Verið nú dugleg að hringja, það er ekki eins og við eigum heima í Afríku! S: 496-0930

Jytteborg í 8 daga

Nú er ég að fara til Gautaborgar í 8 daga í kvöld og mun fljúga þaðan nokkrum sinnum. Ég mun búa á afskekktu flugvallahóteli og kemst vonandi eitthvað niður í bæ í menningu og upplifelsi. Flýg líka tvisvar til Malmö og verð þar allann daginn og flýg svo baka til Gautaborgar um kvöldið. Þannig að Svergie verður tekið með trompi næstu daga. Það er fínt, enda Svíar kaupsjúkir á ferðalögum og græði ég á því..hehe.

Ég átti í raun ekkert að fara fyrr en á morgun. En þar sem ég var á bakvakt í dag var hringt í mig og ég þarf að fljúga til Gautaborgar í kvöld (vinna, flugtími ca. 40 mín) gisti þar í nótt og flýg svo aftur vinnandi til Köben í fyrramálið. Verð komin á Kastrup um 9 leytið og fer sem farþegi með SAS til Gautaborgar um hádegið aftur!! Já, ætli ég viti nokkuð hvort að ég sé að koma eða fara þessa dagana. Svo að ég ætla bara að hanga á Kastrup flugvelli í fyrramálið, ef einhver verður þar má hinn sami hringja í mig og við kíkjum saman í morgunverð:)

Er annars búin að vera í yndislegu fríi í 3 daga og hef gert mikið af því að útrétta, senda e-mail, fara í ræktina og hjólatúra. Peter er bara kátur í skólanum og finnst gaman. Hópurinn hans var hérna í kaffi um daginn og var gaman að hitta þau öll. Mjög international hópur, dani, íraki, úgandamaður og stelpa frá Nepal. Það verður gott að eiga vini á þessum stöðum í framtíðinni þegar við förum í ferðalag. Langar mest til Nepal í göngur...ok..sorry alltaf komin eitthvert annað í huganum. Best að einbeita sér að Gautaborg í bili.

Lísa mágkona og Björgvin Franz komu til okkar í gær og gistu í nótt og héldu svo til Íslands í morgun í 10 daga. Það var alveg frábært að fá þau og að knúsa BF litla minn. Við BF sendum Lísu og Peter svo bara út að hlaupa og við græjuðum rosa lífræna og holla veislu. Heimatilbúna gulrótasúpu, nýbakað múslíbrauð og avókadó súkkulaði búðing í eftirrétt. Namm.

Peter verður svo bara í hlaupa- og hjólagírnum á meðan ég er í burtu. Það eru bara 11 vikur í Köbenmaraþonið og hann tekur að sjálfsögðu þátt.
Hlynur brósi og Pétur Steinn litli ætla svo að kíkja á Peter á miðvikudaginn og vera fram á laugardag. Það verður nú gaman hjá þeim köllunum og ég kem svo heim á föstudaginn og fæ að hitta þá feðga aðeins. Hlökkum mikið til að fá þá í heimsókn.

Ég er mikið í því að stela myndum af Lísu og co. Þessar myndir voru teknar í vikunni þegar Lísa og vinkonur voru í skemmtiferð í köben og Lísa tók svo mynd af okkur Peter þegar við vorum að fara að hjóla heim. Við förum svo að vinna í að endurlífa myndasíðuna okkar.

Jæja, best að fara að pakka og græja sig fyrir átök kvöldsins.
Har de bra..jyttebra!!

Skemmtilegur dagur

Oh, þetta er búinn að vera svo fínn föstudagur.
Peter var í fríi í skólanum vegna þess að í gær skiluðu þeir fyrsta verkefninu og héldu fyrsta fyrirlesturinn sinn. Það gekk bara mjög vel hjá þeim og þetta var bara gaman. Þeir þurftu að hanna hús fyrir stúdenta og var þetta skemmtileg útkoma hjá þeim.

Ég var á bakvakt í vinnunni í dag og var sem betur fer ekki kölluð út. Ég var nokkuð frökk og ákvað að njóta dagsins með Peter, ís tað þess að bíða með heima með símann í hendinni. Við fórum út fyrir hádegi og vorum að koma heim núna um 1 leytið e. miðnætti.
Við hjóluðum um alla borgina, fórum að litlu hafmeyjunni, í Amalieborg, skoðuðum nýja leikhúsið sem var opnað síðustu helgi og tókum smá menningar pakka í borginni. Mjög gaman að hjóla svona og njóta þess að eiga frí. Svo fórum við út að borða í hádeginu niðrí miðbæ og hittum svo loks Lísu mágkonu á Strikinu ásamt 8 galvöskum vinkonum hennar frá Íslandi. Við fórum á kaffihús með þeim og hjóluðum svo áfram heim á leið. En við komum við í frábærri bókabúð á leiðinni og keyptum okkur bók með hjólaleiðum og kortum um Danmörku, sem við munum vonandi nota óspart í framtíðinni.

Svo ákváðum við að reyna að klára að kaupa nokkrar afmælisgjafir og stoppuðum á nokkrum stöðum til að græja það. Þá var kominn kvöldmatar tími og við vorum boðin í mat til Hildar og Hjölla, þannig að við brunuðum beint þangað.
Þar beið okkar dýrindis matur og skemmtilegt kvöld, þar til að við hjóluðum heim. Hildur eldaði 2 kjúklinga með 70 hvítlauksrifjum!!! Þetta var mjög gott og ekkert svo mikið hvítlauskbragð. Skemmtilegur dagur og kvöld.

Það er búið að vera frekar mikill vindur í dag og stundum var maður að hjóla á fullu, þá kom svaka mótvindur og maður stoppaði næstum því á staðnum. Maður þurfti stundum að taka á honum stóra sínum og mér fannst ég ekkert komast áfram á tímabili. Peter sagði nokkuð oft að þetta væri nú ekkert miðað við sem hann væri vanur frá Íslandi, svo að maður er bara ánægður með þennann frábæra samgöngu máta hérna í Köben og veðrið líka.

Ég er búin að fá nýja vinnuskrá sem er vægast sagt nokkuð strembin. Ég byrja á því að vera 1 viku í Gautaborg og fljúga þaðan, svo verð ég bara að fljúga frá Köben. Enda er ég ánægð með það, nýbúin að kaupa mér kort í ræktina og langar að komast aðeins í að nota það og að sjálfsögðu langar mig í fleiri hjólatúra.
Jæja, verð að fara að sofa. Vinna á morgun og sunnudag...jei.

Vinna og skóli

Hellú,

Allt gott að frétta héðan. Ég er búin að vera að fljúga síðustu 3 daga og hefur gengið mjög vel. Flaug frá Malmö til Egyptalands á föstudaginn og svo frá Köben til Mílanó sl. 2 daga. Héðan frá Köben flýg ég bara á Mílanó og Róm og það eru bara þægileg flug.

Peter er í skólanum á hverjum degi frá 8 á morgnanna og fram eftir degi. Hann er mjög áhugasamur og er alltaf að teikna hérna heima á kvöldin. Þannig að honum gengur bara vel.
Hann er búinn að vera duglegur í hlaupum og að hjóla. Hann hjólar alltaf eitthvað út í bláinn og vonar svo bara að hann rati heim. Danmörk er eitthvað svo lítil að hann verður búin með Sjáland eftir 2 vikur. Hann var næstum kominn til Helsingör í gær. En þetta er bara gaman hjá honum og mikill munur að geta farið að nota hjólið svona snemma á árinu.

Við ætlum svo að vera dugleg að njóta veðursins og fara mikið út að hjóla og skoða borgina þannig.

Eins og margir hafa heyrt eru óeirðir hérna á hverju kvöldi liggur við. Við erum nú heppin og búim í góðu hverfi svo maður verður ekkert var við þetta. nema þegar löggan er á fullu hér fram hjá. Þetta er nú samt ekkert langt í burtu frá okkur og skólinn hans Peter er á Norrebro. En vonandi fer þetta að róast.

Nú ætla ég að skella mér út að hjóla og í ræktina.
Hilsen

God aften.

Jæja, vorum að koma heim úr power shopping með Hildi og Hjölla. Við fórum Ilva, Jysk, Ikea og vorum ekki nema í svona 5 tíma. en þetta var góð ferð og við versluðum nauðsynlega hluti eins og hillur ofl. Þannig að nú eigum við að geta tekið upp úr síðustu kössunum og gengið frá því síðasta.

Annars er ég búin á námskeiðinu og gekk þrusuvel í prófinu. Svo fer ég til Malmö á fimmtudaginn og flýg til Egyptalands á föstudaginn, beint aftur til Malmö og með lest heim til Köben. Strax daginn eftir flýg ég Köben - Mílanó og svo fæ ég tveggja daga frí minnir mig. Skráin mín er ágæt, en það verður örugglega erfitt að vera á standby því þá þarf ég alltaf að vera heima og komast á kastrup á innan við klukkutíma. En það reddast allt saman. Ég er nú ekki nema svona 30 -40 mín héðan.

Peter fór ekki í ferðina sína, hann var bara rosa veikur og lá alla helgina. En núna er skólinn byrjaður hjá honum. Honum líst ágætlega á þetta og er að teikna eitthvað hús akkúrat núna.

Veðrið hérna er búið að vera mjög fínt, allt að 10 stiga hiti í sólinn og logn. Það var nú kalt í dag samt. En maður er eiginlega fegin að vera ekki að berjast í snjónum heima og unir sér vel á hjólinu í góða veðrinu.

Jæja, læt þetta duga í bili. Verið nú dugleg að slá á þráðinn til okkar.
Hilsen

Hej!

Hæ kæru vinir,

Þá er netið og síminn komin í gang. Heimasíminn er 496-0930 og það er eins og að hringja í heimasíma á íslandi. Ekkert forval og kostar ekkert meira.

Annars er Peter byrjaður í skólanum og það er bara gaman. Þetta er svona kynningar vika og ferðalag um helgina hjá honum. Hann er kominn með flensu en verður að ná henni úr sér til að komast í sukkferðina.

Ég er búin að vera að taka online trainig fyrir flugið og bara brjálað að gera í að græja allt sem þarf að græja þegar maður flytur í nýtt land. Allt gengið mjög vel og ég læt ljós mitt skína á dönsku eins mikið og ég get. Ég er bara betri í dönsku heldur en ég hélt. Öll þessi flóknu orð eru eiginlega bara þau sömu og í þýskunni og þá er þetta ekkert mál...svona upp að vissu marki.

Ég byrja svo á 5 daga námskeið á morgun og það er haldið einhversstaðar hjá kastrup flugvelli. Þannig að það verður nóg að gera hjá mér og fínt að Peter er í ferðalagi.

Ég keypti geðveikt hjól í gær og það er ekkert smá gaman að hjóla á því. Þetta er svona týpískt Köben hjól, með körfu og alles.
Einnig fór ég í ræktina í gær, loksins. Hef ekkert gert í meira en mánuð.

Hlynur brósi, Lísa og strákarnir komu til okkar á föstudaginn og voru um helgina. Það var frábært að fá þau. Við fórum í Ikea og keyptum fullt af drasli, svo settu Hlynur og Peter þetta allt saman með dyggri aðstoð litlu strákanna. Við gerðum góðann mat, Peter og Lísa fóru út að hlaupa, ég bakaði heilsukonfekt með strákunum og fórum út að leika í frábæra garðinum okkar.


Þannig er nú það. Hlökkum til að heyra frá ykkur.
Kveðjur frá Köben

Kæru vinir og vandamenn.

Endilega kaupið allt neðangreint sem fyrst. Eða látið aðra vini og vandamenn vita. Erum að flytja til Danmerkur og þurfum að losna við þetta fína dót.

Takk

Góður frystiskápur!
Frábær frystiskápur frá Husqvarna til sölu vegna flutninga. 180 cm á hæð, hvítur og góður. Selst á 20.000 kr.


Fallegt fuglabúr!
Hvítt og fallegt fuglabúr til sölu með ýmsu smádóti. Hentar vel fyrir 1-2 gára eða 1 stærri fugl. Selst á 3500 kr


Ótrúleg mubla!!
Stór (hæð:204/breidd:247/dýpt:47cm)mahogany skápur með gyllingu. Mjög klassísk mubla og mikil hirsla. Neðri hluti: 4 skúffur og 2 stórir skápar. Eftir hluti: langur skápur, bar með glerhillu og spegli, 3 hillur og glerskápur. Get sent mynd á e-mail. Selst á aðeins 25.000


Geðveikur díll!!
Splunkunýtt og ónotað motocrossdót. Selst vegna flutninga. Azonic hjálmur - stærð M. Fox nýrnabelti, Fox hvít/svört/bleik treyja, Scott gleraugu, hnéhlífar, olnbogahlífar, brynja, gráir/svartir hanskar, svartar endurobuxur stærð 32. Allt saman á 50 þúsund.

Ekkert mál að hringja og ræða málin eða að koma og skoða.
S: 696-8124

Eru ekki allir sexý?

Oh, er búin að drekka svo mikið kaffi að það eru farnir að vaxa á mig hreifar.

Ok, er alveg búin að vera nóg í útlöndum undanfarið en september toppar þetta gjörsamlega.
Fer með mömmu til Boston næstu helgi, svo með Peter til New York helgina þar á eftir og svo kíki ég væntanlega til London í lok mánaðar.

Annars er allt fallegt að frétta. Peter stefnir á Brúarhlaupið á Selfossi á laugardaginn. (Nú vöknar Lísu um augun af stolti og er örugglega að hrópa á tölvuna: Áfram Selfoss!) Það er hálft maraþon. Ætli ég hlaupi ekki 5 km. Er að vinna alla daga fyrir hlaupið og til 23 kvöldið áður þannig að ég ætla ekki 10km. Enda bara farið einu sinni út að hlaupa síðan í maí!

Helgin var góð. Erum búin að stunda kvikmynda hátíðina í Regnboganum grimmt. Búin að sjá The Bridge, No Body is perfect, Sicko, Die Faelscher og Whithout her. Á sunnudaginn skelltum við okkur á Esjuna og þar sem það tók bara 1 og hálfann tíma fórum við bæði út að hlaupa þegar heim var komið. Bara gott veður og gaman.

Er annars mjög spennt fyrir Fusion Fitness hátíðinni í World Class Laugum 14 - 16. sept. Allir að mæta! Það verður geðveikt stuð! Kíkið á www.fusion.is

Bið að heilsa í bili.

Áfram Peter!

Já, hann Peter minn lætur ekki deigann síga og tók heilt maraþon í gær! Hann setti sér markmið að vera undir 4 tímum og tók þetta svo bara á 3:20!! hann varð í 39 sæti!. Í hans flokki varð hann 17jándi! Ég hjólaði með honum alla leiðina í yndislegu veðri. Síðustu metrarnir voru magnaðir og ég þurfti að hafa mig alla við að fara ekki að hágrenja í markinu. Ohh, ég er svo stolt af honum. Við gerðum okkur lítið fyrir og löbbuðum bara heim úr bænum, það var fínt fyrir hann til að trappa sig niður.

Ég var frekar þreytt líka eftir viðburðarríka viku. Við löbbuðum sem sagt Heklu síðasta laugadag og það var magnað. Svo tjölduðum við í Landmannalaugum og skelltum okkur skjálfandi í heita lækinn sem bjargaði nóttinni. Daginn eftir gengum við á Bláhnjúk og grænagil í Landmannalaugum. Við komum svo þreytt og ánægð heim en við tóku 2 morgunflug, hlaupaæfingar og ræktin ásamt 2 miðnæturflugum. Er ekkert smá fegin að vera í fríi í 3 daga og vonast til að vinna upp svefn og minnka þvottinn.

Fyrir ykkur sem ekki vita erum við á leið til Danmerkur í nokkur ár. Áætluð brottför er í janúar 2008! Við eigum frekar bágt með að vera lengur en í nokkra mánuði á hverjum stað svo þetta er tilvalið (nenni varla að pakka). Við erum bæði að fara í nám. Auðitað eigum við eftir að sakna allra á Íslandi og ekki síst fjallanna og skyrsins! Snökt, snökt.
En meira um það seinna
Adiu

Verslunarmannóhelgó

Hæbb,

Það er komin tími til að láta í sér heyra. Við erum búin að hafa það rosa fínt um þessa helgi. Við fórum saman til Baltimore á föstudaginn komum heim á sunnudaginn og skelltum okkur í mat til mömmu og Palla og í bíó. Í dag fórum við á Móskarðshnúka og röltum þar um alla toppa og trissur. Það var fínt veður en þoka og ekki mikið útsýni á köflum. Samt frábært og við vorum í 4 tíma á fjallinu.

Annars var æði að fá Hlyn brósa og family heim í 2 vikur og við reyndum að vera sem mest með þeim og grislingunum tveimur. Þeir eru náttúrulega kostulegir orkuboltar og við söknum þeirra allra sárt.

Á morgun ætla ég að labba Esjuna og svo eru það Ljósufjöll á Snæfellsnesi um helgina...eða Hekla. Fer eftir veðri. Ég er svo að reyna að redda mér fríi einn laugardaginn því planið er að fara í smá jeppa ferð með Palla og co. inn að Langasjó, Sveinstindi og Skælingum. Við erum reyndar búin að tala um að það væri gaman að ganga í kringum Langasjó og ég tala nú ekki um áðurnefnda tinda. Við Peter látum eflaust henda okkur út á leiðinni einhversstaðar til þess að labba.

Sem sagt allt í hershöndum hér.
Adiu