Orðlaus

Oh, maður er bara orðlaus og búin á því.
Það gengur ekkert að finna vinnu og ég er að verða frekar þunglynd og áhyggjufull yfir því. Það skiptir höfuðmáli eins og staðan er núna.

Mamma hans Peters er enn á sjúkrahúsi og ekki var hægt að gera aðgerðina því þetta var alvarlegra en þeir héldu og þarf hún að vera lengur á spítalanum. Hún fékk líka ofnæmi fyrir skyggiefninu og bólgnaði öll upp í andlitinu og fl.

Björgvin Franz hans Hlyns brósa og Lísu fór í hálskirtlaúrtöku um daginn sem gekk ok. Á sunnudagsnóttina var farið að blæða hjá honum og fór hann og Lísa í flýti með sjúkrabíl á sjúkrahús og hann fór aftur í aðgerð. Hann var búin að æla allt út í blóði heima hjá sér og svo aftur í sjúkrabílnum. Hlynur var heima að þrífa blóð alla nóttina og að hafa áhyggjur af drengnum. Hann fór svo ósofinn í lokaprófið sitt morgunin eftir. Lísa greyið er líka búin að vera svefnlaus og búin á því eftir þessi átök öll sömul.

Peter er kominn með 3ju flensuna á 2 mánuðum og er bara ekki að meika það.

Ekkert gengur að selja bílinn heima og lánið á honum hækkar og hækkar. Fjúka því peningarnir út úm gluggann í notlaust blikk sem stendur óhreyft á Íslandi. Alveg það sem maður þarf á að halda.

Eini ljósi punkturinn í þessu öllu saman er að við fórum í 20v sónar í dag og það lítur allt vel út.

En núna er komið nóg af þessum harmleik sem staðið yfir hefur og það þarf eitthvað að breytast svo að maður fari nú ekki yfir um. Hvað er eiginlega málið?

Sól í Köben.

Hæ hó, það er allt ok að frétta héðan. Mamma hans Peters fer í aðgerð á morgun og fær væntanlega að fara heim á miðvikudaginn. Vonum að það gangi vel.

Við erum búin að eiga góða helgi annars. Hjölli, Arndís og Vala komu til okkar í mat á föstudagskvöldið og var það bara kósí. Svo er veðrið búið að vera frábært í gær og í dag. Bara eins og á góðum sumardegi á Íslandi, blár himinn, 15 - 20 stiga hiti og bara snilld.
Þetta er búin að vera allsherjar hjóla helgi hjá mér, byrjaði daginn á spinning tíma á föstudaginn. Í gær fórum við Peter í langann hjólatúr út á Amager Strandpark í frábæru veðri.(www.amager-strand.dk) Þar löbbuðum við útum allt og lögðum okkur svo í grasinu. Svo hjóluðum við niður í bæ og alls staðar var fólk á úti kaffihúsum og að spóka sig. Peter stefnir ennþá á maraþonið þrátt fyrir meiðsli og átti því að taka lengsta hlaup vikunnar í gær. Eftir hjólatúrinn fór hann af stað og var að hlaupa í Frederiksberg have. Veðrið var svo gott að ég hjólaði líka þangað og labbaði þar um, settist í grasið og las bók og Peter kom reglulega við og heilsaði upp á mig. Sem sagt bara frábær dagur og við orðin vel útitekin..eða ég er smá bleik...Peter stefnir náttúrulega á svartalitinn. Ósanngjarnt! Við hjóluðum sem sagt svona 25 km í gær og Peter hljóp svo álíka langt. Enda var hann alveg búin á því þegar hann kom heim.
Í dag fórum við svo aftur í góðann hjólatúr. Alla leið upp með Søerne og um Østerbro hverfið. Enduðum svo á því að leggja okkur í sólbað í garðinum þar sem Parken er. Þar var fólk í fótbolta, picknic og nokkrar voru á bikiní!! Mjög gott og hressandi allt saman. Núna er Peter að tækla lærdóminn því það er fyrsta evaluation á verkefninu þeirra á fimmtudaginn.
Hilsen úr sólinni.

Skin og skúrir..

Við fengum þær leiðinlegu fréttir í fyrradag að mamma hans Peters hefði verið send með sjúkrabíl upp á spítala þar sem að hún fékk vægt hjartaáfall. Hún er núna búin að vera á gjörgæslu í 2 daga og verður væntanlega flutt á morgun á spítalann í Innsbruck þar sem hún fer í frekari rannsóknir og hjartaþræðingu, jafnvel fær hún gangráð.
Þetta er mjög leiðilegt sértaklega í ljósi þess að hún vinnur 24/7 og gerir sjaldan nokkuð fyrir sjálfa sig. Á miðvikudaginn var síðasti vinnudagur vetrarins hjá þeim og hún átti að fara í 4 daga ferðalag með vinnufélugunum í gær. Einnig ætti hún að fara í spa ferð með tennisklúbbnum sínum í næstu viku. En það verður ekkert af þessu. Hún verður að taka því mjög rólega á næstunni, sem verður erfitt fyrir hana því hún er alltaf á fullu og nýfætt barn í húsinu líka. Hún kom heim úr vinnunni á miðvikudagskvöldið og var að drepast í hendinni, hún stökk því upp á loft og náði í blóðþrýstingsmæli og mældi þrýstinginn hjá sér. Hún sá að hann var sama sem og enginn og þá hringdi hún í vinnuna að láta vita að hún færi ekki með í ferðalagið..SVO hringdi hún á sjúkrabíl! Alveg ótrúleg!
Svo er Daniela systir hans Peters á örðum spítala, það hefði verið fínt að hafa þær á sama stað. Dani og Ferdinand heilsast vel og fá að fara heim eftir helgina. Konur eru miklu lengur á spítala í Austurríki og Danmörku eftir fæðingu en á Íslandi.
Já, svona er nú það.

Splunkunýr Erler!

Systir hans Peters hún Daniela átti þennann litla sæta strák þann 14.04. Hann var á endanum tekinn með keisara, en þau eru bæði hress. Hann var 2350 g og 46 cm, bara lítill snáði. Hann hefur fengið nafnið Ferdinand Robert og er linkur á síðuna hans hérna neðar.

Barn á leiðinni!

Jæja, gott fólk. Eins og kannski flestir vita nú þegar eigum við von á barni! Ég er nú komin 18 vikur á leið eða 4 og hálfann mánuð og allt er eins og það á að vera. Var að koma úr fyrstu mæðraskoðuninni. Bumban stækkar hægt og rólega, sem betur fer er hún ekki orðin mjög stór en tekur kippi við og við.
Við erum búin að fara tvisvar sinnum í sónar og allt lítur mjög vel úr. Næsti sónar er 22. apríl en við ætlum ekki að fá að vita kynið.

Síðastliðnir 3 mánuðir hafa verið rússíbanareið líkastir. Við vorum að flytja í nýtt land, með íbúð og bíl á sölu, Peter á leið í nám og ég fór beint í að fljúga héðan frá Köben og Svíþjóð. Mitt í öllu þessu kom svo í ljós að ég væri ólétt og á að eiga ca. 12. sept eða á sama tíma og ég byrja í mastersnámi!! Hallelújah!

Núna er mesta vandamálið fyrir mig að fá vinnu. Ég var að fljúga héðan í 2 mánuði og það gekk ágætlega. Hér og annarsstaðar í skandinavíu er reglan hinsvegar sú að um leið og maður er óléttur hættir maður að fljúga og því rak fólk upp stór augu þegar það frétti að ég væri ólétt. Til að eiga einhver réttindi hér í Dk verð ég að vinna í minnst 13 vikur og tíminn líður skal eg segja ykkur. Ég hef örugglega sett heimsmet í atvinnuumsóknum sl. vikur og vonandi fer daninn að taka við sér. Hér gerist ekkert 1, 2 og 10! Það þarf alltaf nokkrar vikur í svona mál! Já, já, þetta reddast allt saman. Maður verður bara að passa sig að slaka á inni á milli og njóta þess.

Vonandi hafa það allir gott þarna úti í hinum stóra heimi.
Kv. Linda og Peter +1

Gaman saman.

Já, enn á ný er helgi og við höfum það mjög gott.

Ég var skráð í TOEFL próf(alþjóðlegt enskupróf)á föstudaginn og var búin að greiða morðfjár fyrir það en svo kom í ljós að ég þurfti ekki að taka það til að komast inn í námið mitt. Það var of seint að fá endurgreitt, en ég ætlaði bara að slaufa því að fara í þetta próf. Enda ekkert búin að gera varðandi það nema að taka 2 doðranta á bókasafninu sem að rykféllu hér heima. Á fimmtudagskvöldið var ég eitthvað að pæla hvort að ég þyrfti að taka þetta próf seinna ef að maður myndi skella sér til Ástralíu í skiptinám. Jú, jú það var rétt hjá mér svo að ég fór í prófið á föstudagsmorguninn og gekk bara þrusuvel. Fæ útúr því eftir 2-3 vikur. Ég var bara pollróleg yfir þessu en hitti nokkra mjög stressaða einstaklinga sem voru búnir að læra í mánuð eða meira! Jei.

Á föstudagskvöldið fórum við svo 10 saman út að borða eins og ég nefndi hér að neðan. Það var frábært kvöld, mikið talað og helgið. Eftir matinn skelltum við okkur á brugghús og svo var farið heim seint og síðarmeir. Ég var nú samt komin fram úr um 8 leytið á laugardagsmorgun og var bara óstöðvandi þar til ég sofnaði eldsnemma í gærkveldi. Ég fór í hjólatúr, í ræktina, að versla, bakaði, tók til og hringdi í Evu mína í USA. Peter var límdur við tölvuna í lærdómi allann daginn, duglegur strákur. Hann er núna úti að hlaupa og ég er að fara að skúra.
Verið þið sæl.

Skemmtileg helgi að baki og framundan.

Síðasta helgi var alveg frábær hjá okkur og það skemmtilega var að það var ekkert planað. Við ákváðum að kíkja á Hildi og Hjölla í kaffi á laugardaginn og fréttum þá að Siggi og co. væru á leiðinni þangað. Við vorum þá 6 fullorðin og 6 börn með 2 lánsbörnum úr hverfinu. Arndís dóttir Hjölla og Hildar og vinkona hennar héldu svaka danssýningu fyrir okkur og allir fengu aðgögnumiða og sátu á púðum á gólfinu á meðan stelpurnar dönsuðu við danskt rapp.
Við ákváðum svo öll að panta mat frá Stiksn'Sushi fyrir þá fullorðnu og Mcdonalds fyrir krakkanna. Við stelpurnar sóttum matinn og strákarnir fóru út í búð og keuptu meiri bjór og bland. Maturinn var vægast sagt frábær í alla staði og allir voða happy. Svo voru spilapeningarnir teknir upp fyrir póker kvöldsins. Við Peter höfðum aldrei spilað fyrr en enduðum sem vinningshafar með allt sem var í pottinum! Ekki slæmt það. Um 2 eða 3 var pantaður taxi heim á leið og hjólin voru skilin eftir, alveg eins og maður skilur bílinn eftir á íslandi. En það var nú frekar vegna þreytu en drykkju.

Daginn eftir vorum við boðin í mat hjá fólkinu sem að leigði pláss í gámnum hjá okkur hingað út. Við höfðum hitt þau og vinafólk þeirra einu sinni þegar þau komu að sækja dótið sitt hingað. Þá komumst við að því að við værum öll á svipuðum aldri og með sviðuð áhugamál, sem sagt skíði, ferðalög og fjallamennsku. Þau voru svo frábær og buðu okkur í allsherjar íslenska veislu ásamt 2 öðrum pörum. Þetta var þrælskemmtilegt sunnudagskvöld og ekki skemmdi maturinn fyrir. Það var klausturs bleikja og silungur í forrétt og hreindýralundir í aðalrétt. Allt alíslenskt og veitt af húsbóndanum. Eftir mikið spajall og nokkrar rauðvín var áður en við vissum af komið fram yfir miðnætti. Við gerðum okkur lítið fyrir og tókum einn rómantískan hjólatúr heim sem tók um 40 mín. Mjög hressandi svona á sunnudagsnóttu.

Þetta var sem sagt fránær helgi og ekki er verri helgi framundan. Vinir og fyrrverandi vinnufélagar Peters og stráknna eru hér í Köben yfir helgina og erum við öll að fara út að borð saman á morgun. Svo er Jói frændi og Elísa að koma til okkar á sunnudaginn í kaffi... við eigum bara eftir að græja eitthvað skemmtilegt fyrir laugardaginn..hehe.
bæ

Páskar, flensa og slysó! Samt bara stuð.

Jæja, nú er laugardagsmorgunn og veðrið er grátt með rigningu. Því miður því ég hefði farið í hjólatúr.

Páskarnir voru aldeilis fínir. Við vorum í góðu yfirlæti hjá Horsens genginu. Við borðuðum allt of mikið af öllu, páskaeggjum, hangikjöti...bara öllu. En við skelltum okkur til Flensburg í Þýskalandi á laugardeginum. Þar er miklu ódýrara að versla og var bíllinn fylltur af bjór ofl. nauðsynjum. Svo fórum við niður í bæ og fundum frábærann ekta þýskann stað. Við fengum okkur að sjálfsögðu snitzel, slógum um okkur á þýsku og Peter og Hlynur fengu langþráðann Weitzen-cola bjór. Það var sannarleg hamingju stund! Björgvin Franz og Pétur Steinn sáu til þess að það var "never a dull moment" eins og þeim einum er lagið.
Íslensku Pressu þættirnir voru svo teknir á 2 kvöldum og höfðum við mikið gaman af.

Einhver flesna var farin að gera vart við sig í Horsensbúum og Peter. Svo fékk ég líka flensu og erum við Peter enn að vinna í þessu. Alveg óþolandi.

Við vorum rosa heppin og fengum frábært hnífasett á háfvirði í þýskalandi. Peter finnst voða gaman að eiga góða hnífa og gerði sér lítið fyrir og stakk einum langt inn í puttann á sér í gær. Það blæddi rosalega mikið og við tjösluðum þessu einhvernvegin saman og svo var bara hjólað af stað á slysó. Sem er reyndar ekki mjög langt frá. Hann var deyfður, saumaður og fékk stífkrampasprautu! Hann breytist víst ekki mikið þótt að sé hættur að smíða, hann verður bara að fá plástur eða saum svona við og við..hehe.

Ég hefði aldrei trúað því hversu fjöllin, loftið og sjórinn skipta mig miklu máli. Ég er stundum með sting í hjartanu ég sakna Esjunnar, Móskarðshnjúkanna og bara náttúrunnar á Íslandi. Eins og ég hef oft sagt þá mun ég flytja á Fimmvörðuháls einn daginn!! Sjáumst þar:)

Skellti inn mynd af Peter að græja nýja hjólið mitt.

Systra svaðilför!

Á mánudagsmorguninn sátum við Peter og borðuðum morgunmat, ég leit út um gluggann og sagði: oh, það er svo æðislegt að sumarið er að koma, frábært veður! Klukkutíma síðar var lárétt snjókoma og hitinn féll um 5 stig! þEtta var versta veður sem hafði komið síðan að við fluttum hingað og mamma og Kiddý frænka voru á leiðinni til okkar um kvöldið í sólarhrings heimsókn. Oftast líður svona hjá en þetta hélt bara áfram allann daginn og kvöldið og versnaði bara ef eitthvað er. Aumingja mamma og Kiddy pökkuðu bara léttum fötum því það hefur verið svo gott veður hérna.

Þetta var nú ekki allt, heldur fóru töskurnar þeirra til Osló. Þær voru þreyttar og nenntu ekki að taka metroið til okkar svo að þær tóku leigubíl, mamma gerðir sér lítið fyrir og týndi visakortinu í bílnum. Því miður borgaði hún með peningum og fékk ekki kvittun svo að ekki höfðum við grænan grun um hvernig við ættum að nálgast kortið. Því var þá bara lokað. Þær létu ekki deigann síga og skemmtu sér konunglega hér með rauðvín í glasi og góðum mat. Daginn eftir komumst við ekki út úr húsi fyrr en um hádegið og þurftum að snúa við einu sinni því þær voru báðar með magakveisu!!! Þetta var bara fyndið og var mikið hlegið af þessu hrakföllum öllum. En þær hresstust nú og við kíktum á hverfið okkar og mamma bauð okkur öllum út að borða í hádeginu. Töskurnar voru svo sendar heim til okkar og komust þá páskaeggin, lærið og flatkökurnar til skila.
Rétt áður en þær héldu heim á leið hringdi löggan í mig og sagðist vera með visakostið hennar mömmu! Það var því sótt á leiðinni út á völl og komust þær svo hrakfallalaust heim til Íslands.
Takk fyrir okkur elsku mamma og Kiddý, það var frábært að fá ykkur!

Þetta var nú aldeilis viðburðarrík en stutt heimsókn.
Gleðilega Páska.

Páska(frí)

Nú er Peter í fríi í viku og ég er að vinna frekar mikið. Við hefðum að sjálfsögðu viljað fara til Tux um páskana, en það er bara alls ekki ódýrt að komast þangað. En það er margt skemmtilegt á planinu hjá okkur næstu daga.
Mamma og Kiddý frænka ætla að kíkja á okkur í kaffi á mánudaginn og fara svo heim á þriðjudaginn. Þetta verður örstutt en skemmtileg heimsókn, við hlökkum mikið til að fá þær til okkar.
Ég er svo á standby í 3 daga og vonast til að verða ekki kölluð út á kvöldflug á föstudeginum langa því við ætlum að skella okkur til Horsens til Hlyns og Lísu um páskahelgina. Planið þar er að knúsa litlu gaurana okkar, kannski kíkja til Þýskalands í bíltúr og borða páskamat. Sem sagt bara kósí og gott.

Peter er því miður að glíma við álagsmeiðsl á fætinum og er því hættur að hlaupa í bili. Þetta er búið að hrjá hann síðan 2004. Það er hrikalega niðurdrepandi að vera að böggast í svona málum þegar maður er að stefna á maraþon. En hann hjólar þeim mun meira í staðinn.
Um daginn fór hann út á land að hjóla og skemmdi rándýra keppnishjólið sitt og var svo bara týndur og fastur úti í sveit einhversstaðar í Danmörku. Það stoppaði fyrir honum kona á pinkulitlum Nissan Micra, hún skellti Peter og hjólinu í bílinn og skutlaði honum til Köben. Það var nú aldeilis frábært, fyrir utan að hjólið var ónýtt. En hann lét meta skemmdirnar og er búin að láta laga þetta allt saman og kaupa allskonar nýtt drasl til að koma þessu heim og saman. Þannig að nú er hann alsæll með þetta og gat ekki beðið með að komast út að hjóla í morgun.
Hafið það gott um páskana!!